Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

"Azərsu" ASC havaların kəskin istiləşməsi ilə əlaqədar gücləndirilmiş iş rejimində çalışır

© AFP 2022 / DANIEL LEAL-OLIVASМужчина наполняет бутылку водой, фото из архива
Мужчина наполняет бутылку водой, фото из архива - Sputnik Azərbaycan, 1920, 26.06.2021
Xəbərlərə abunə olun
Yandex newsTelegram
Abunəçilərin dayanıqlı içməli su ilə təmin olunması, anbar ehtiyatlarının toplanması üçün təsdiqlənmiş reqlamentə uyğun olaraq rejimlərin tənzimlənməsi işləri aparılır və bəzi ərazilərdə suyun verilmə qrafiklərində müəyyən dəyişikliklər edilir

BAKI, 26 iyun — Sputnik. "Azərsu" ASC havaların kəskin istiləşməsi ilə əlaqədar gücləndirilmiş iş rejimində çalışır. Sputnik Azərbaycan-ın quruma istinadən verdiyi məlumata görə, son günlər temperaturun yüksək olması ilə əlaqədar içməli suya tələbat kəskin artıb və tələbatı ödəmək üçün mənbələrdən Abşeron yarımadasına ötürülən suyun həcmi artırılıb.

Abunəçilərin dayanıqlı içməli su ilə təmin olunması, anbar ehtiyatlarının toplanması üçün təsdiqlənmiş reqlamentə uyğun olaraq rejimlərin tənzimlənməsi işləri aparılır və bəzi ərazilərdə suyun verilmə qrafiklərində müəyyən dəyişikliklər edilir.

"Abunəçilərdən xahiş edirik ki, yayda, xüsusilə də kəskin istilərin müşahidə olunduğu günlərdə içməli sudan maksimum qənaətlə istifadə etsinlər, bağ massivlərində və həyət evlərində yaşayanlar yaşıllıqların suvarılmasında israfçılığa yol verməsinlər. Burada edilən israfçılıq paylayıcı şəbəkələrin ucqar nöqtələrindəki abonentlərin su təminatına mənfi təsir göstərir ki, bu da həmin ərazilərdə yaşayan insanların haqlı narazılığına səbəb olur", - deyə səhmdar cəmiyyəti bəyan edib.

Xatırladaq ki, ötən gecə Kür-Bakı magistral su kəmərində baş vermiş qəza Binəqədi rayonunun bəzi ərazilərinə suyun verilməsində məhdudiyyətlərə və ya təzyiqin zəif olmasına səbəb olub. Qəza briqadaları əraziyə cəlb olunub və təmir-tikinti işlərinə başlanılıb.

Xəbər lenti
0