CƏMİYYƏT
Cəmiyyətin həyatında baş verən aktual hadisələr

"ASAN müraciət" mobil tətbiqi istifadəyə verilib

© AFP 2023 / STEFANIE LOOSЛюди со смартфонами в руках, фото из архива
Люди со смартфонами в руках, фото из архива - Sputnik Azərbaycan, 1920, 17.06.2021
Abunə olmaq
"ASAN müraciət" informasiya sistemi pilot layihə kimi Sumqayıt şəhərində istifadəyə verilib. Sumqayıt şəhər sakinləri bu sistemin imkanlarından yararlana bilirlər.

BAKI, 17 iyun — Sputnik. Azərbaycan Respublikası Prezidentinin 2020-ci il 21 avqust tarixli 2232 nömrəli Sərəncamının 1-ci hissəsinə əsasən ictimai xarakter daşıyan kommunal, yol və nəqliyyat problemləri, infrastrukturun cari təmiri, abadlaşdırılması və təmizliyi ilə bağlı şikayətlərin elektron xəritə üzərində qeyd edilməklə operativ surətdə aidiyyəti dövlət qurumlarına göndərilməsini və həmin şikayətlərə baxılmanın nəticələrinin izlənilməsini təmin edən "ASAN müraciət" informasiya sistemi yaradılması tapşırığı verilib. Bu barədə "ASAN Xidmət"dən Sputnik Azərbaycan-a verilən məlumatda bildirilib.

"ASAN müraciət" informasiya sistemi pilot layihə kimi Sumqayıt şəhərində istifadəyə verilib. Sumqayıt şəhər sakinləri bu sistemin imkanlarından yararlana bilirlər. Sistem qısa müddətdə ölkə ərazisini əhatə edəcək.

Pilot layihədə icraçı təşkilat qismində doqquz qurum iştirak edir:

1. Sumqayıt Şəhər İcra Hakimiyyəti

2. "Azəriqaz" İstehsalat Birliyi

3. "Azərişıq" Açıq Səhmdar Cəmiyyəti

4. "Azərsu" Açıq Səhmdar Cəmiyyəti

5. "Azəristiliktəchizat" Açıq Səhmdar Cəmiyyəti

6. Azərbaycan Avtomobil Yolları Dövlət Agentliyi

7. Azərbaycan Respublikasının Ekologiya və Təbii Sərvətlər Nazirliyi

8. Azərbaycan Respublikasının Fövqəladə Hallar Nazirliyi

9. Azərbaycan Respublikasının Nəqliyyat, Rabitə və Yüksək Texnologiyalar Nazirliyi

Mobil tətbiqi "Android" və "iOS" əməliyyat sistemlərindən yükləmək mümkündür:

"Android": https://play.google.com/store/apps/details?id=az.asan.asanapply

"iOS": https://apps.apple.com/us/app/asan-m%C3%BCraci%C9%99t/id1561571608

Videoçarxlara keçid:

https://youtu.be/70vcbCBcKws

https://youtu.be/Amy5dNYEnIo

Qeyd edək ki, Sərəncama əsasən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən "ASAN müraciət" informasiya sisteminin fəaliyyətinin təşkili, idarə olunması və təkmilləşdirilməsi məqsədilə sistem yaradılıb, mobil tətbiq istifadəyə verilib.

Xəbər lenti
0