Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Nizaminin əsəri daha bir ölkənin oxucularını əfsunlayacaq

© Sputnik / Murad OrujovПамятник великому поэту Низами Гянджеви в Баку
Памятник великому поэту Низами Гянджеви в Баку - Sputnik Azərbaycan, 1920, 04.06.2021
Abunə olmaq
Zəngin ənənəli "Yaroslavov Val" nəşriyyatında işıq üzü görən kitabı Ukrayna dilinə görkəmli Ukrayna şairi və mütərcimi Leonid Pervomayski tərcümə edib.

BAKI, 4 iyun — Sputnik. Azərbaycanda elan olunmuş "Nizami Gəncəvi İli" ilə əlaqədar dahi Azərbaycan şairi Nizami Gəncəvinin "Leyli və Məcnun" poeması Kiyevdə nəşr olunub.

Sputnik Azərbaycan xəbər verir ki, zəngin ənənəli "Yaroslavov Val" nəşriyyatında işıq üzü görən kitabı Ukrayna dilinə görkəmli Ukrayna şairi və mütərcimi Leonid Pervomayski tərcümə edib.

Kitabın redaktoru Qriqori Quseynov, "Ön söz"ün müəllifi isə Aqafangel Krımskidir.

Məlumat üçün bildirək ki, Nizaminin "Leyli və Məcnun" əsəri "Xəmsə" toplusuna daxil olan üçüncü poemadır. Əsər 1188-ci ildə fars dilində yazılıb. Nizami bu əsəri Şirvanşah I Axsitana (1160-1197) ithaf edib. Əsərin süjetinin əsasında sonradan "Məcnun" (dəli) adlandırılan gənc Qeys və gözəl Leylinin nakam eşqindən bəhs edən qədim "Leyli və Məcnun" dastanı dayanır. 4600 beytdən ibarət olan poema "Leyli və Məcnun" haqqında dastanın fars dilində yazılmış ən məşhur variantıdır. Nizami "Leyli və Məcnun" haqqında xalq dastanını yazılı ədəbiyyata gətirən ilk şairdir.

Xatırladaq ki, Prezident İlham Əliyev Azərbaycan Respublikasında 2021-ci ilin "Nizami Gəncəvi İli" elan edilməsi haqqında Sərəncam imzalayıb. 2021-ci ilin "Nizami Gəncəvi İli" elan olunması təkcə Nizami yaradıcılığına, ədəbiyyata deyil, ümumilikdə mədəniyyətə, Azərbaycana və sivilizasiyaya verilən dəyərdir. "Nizami Gəncəvi İli"nin elan olunmasında məqsəd, Azərbaycanın dahi şair və mütəfəkkiri Nizami Gəncəvinin irsini dünya ictimaiyyətinə daha yaxından tanıtmaq, eyni zamanda, Nizami irsinin rolunu araşdırmaqdır.

Xəbər lenti
0