Azərbaycan və Rusiyanın Xalq rəssamı, Rusiya Rəssamlıq Akademiyasının vitse-prezidenti, Avropa Elm və İncəsənət Akademiyasının həqiqi üzvü, Dövlət mükafatı laureatı Tahir Salahov vəfat edib.
Azərbaycan Rəssamlar İttifaqının üzvü, rəssam Mir Azər Abdullayev Tahir Salahov haqqında fikirlərini Sputnik Azərbaycan ilə bölüşüb.
Rəssam Mir Azər Abdullayev bildirib ki, Tahir Salahovun vəfatı Azərbaycan və dünya incəsənəti üçün böyük itkidir: “Biz çox xoşbəxtik ki, onun müasiri olmuşuq. Onun monumentallığı tayı-bərabəri olmayan incəlikləri olub. Bir sözlə desək, Tahir Salahov bir epoxadır. Onun yaradıcılığı xarakterini, könül cizgilərini əks etdirir. Dövrümüzdə klassik və məzmun baxımından yüksək səviyyəli peşəkarlıqla yaradılmış dahi əsərlər Tahir Salahovu ən yüksək pillələrə qaldırıb”.
Mir Azər Abdullayevin geniş şərhinə audiofyalda qulaq asa bilərsiniz
