Prezident açıqladı: COVID-19 peyvəndi vurduranlara pul veriləcək

© AFP 2023 / MAURO PIMENTELВакцина CoronaVac компании Sinovac Biotech, фото из архива
Вакцина CoronaVac компании Sinovac Biotech, фото из архива - Sputnik Azərbaycan, 1920, 07.05.2021
Abunə olmaq
Ölkə başçısı çıxışında indiyə kimi peyvənd vurdurmayanları məsuliyyətsizlikdə ittiham edərək onları "eqoist" adlandırıb.

BAKI, 7 may — Sputnik. Serbiya koronavirusa qarşı peyvənd vurduran vətəndaşlara pul paylacağını açıqladı. Mayın 31-nə kimi vaksinin birinci və ya ikinci dozasını vurduranlara dövlət 3000 dinar (təxminən 51 manat) pul ödəyəcək.

Sputnik Azərbaycan bu barədə Türkiyə mətbuatına istinadla xəbər yayıb. Xəbərdə bildirilir ki, 6,9 milyon əhalisi olan Serbiyada vaksinasiya prosesinin çox zəif getməsi səbəbindən hökumət belə bir addım atmaq məcburiyyətində qalıb.

Врач в медицинской маске, фото из архива - Sputnik Azərbaycan, 1920, 07.05.2021
SƏHİYYƏ
COVID-19-la mübarizə edən tibb işçilərinin narazılığına agentlikdən cavab

COVID-19 peyvəndi vurduranlara 3000 dinar pul ödənəcəyini açıqlayan Serbiya prezidenti Aleksandr Vuçiç bu yolla "məsuliyyətli vətəndaşları mükafatlandırmaq istədiklərini" bildirib.

Qeyd edək ki, bu məbləğ Serbiyada orta aylıq əməkhaqqının 5 faizinə bərabərdir.

Prezident çıxışında peyvənd vurdurmayanları məsuliyyətsizlikdə ittiham edərək onları "eqoist" adlandırıb.

Belqrad hökumətindən isə bildirilib ki, dövlət müəssisələrində çalışan və indiyə kimi peyvənd olunmayan şəxslər koronavirusa yoluxacaqları təqdirdə xəstəliklə əlaqədar ödənilən vəsaiti ala bilməyəcəklər.

Bu ayın sonuna kimi əhalinin 55 faizini vaksinasiyaya cəlb etməyi hədəfləyən Serbiya öz vətəndaşlarına "BioNtech", "Sinopharm", "AstraZeneca" ve "Sputnik" peyvəndlərindən birini seçməyi təklif edir. İndiyə kimi bu ölkədə 3,6 milyon doza vaksin tətbiq olunub. Ölkə əhalisinin 29 faizi ən azı bir doza peyvənd vurdurub.

Xəbər lenti
0