BAKI, 4 may — Sputnik. Hindistanın cənubundakı Tamilnad ştatında keçirilən yerli orqanlara seçkilərdə böyük üstünlüklə Mutuvel Karunanidi Stalin qalib gəlib. Sputnik Azərbaycan Rusiya mediasına istinadən xəbər verir ki, 68 yaşlı siyasətçi bundan sonra region hökumətinə rəhbərlik edəcək.
Gələcək siyasətçiyə bu adı vaxtilə ştatın baş naziri olmuş atası verib. Belə ki, Stalin 1953-cü ildə SSRİ-nin lideri İosif Vissarionoviç Stalinin ölümündən bir neçə ay əvvəl dünyaya gəlib.
Qeyd etmək lazımdır ki, hindistanlı Stalin demokratdır.
Xatırladaq ki, 1989-cu ildə siyasətçi SSRİ-yə gələrkən xoşagəlməz hadisə ilə qarşılaşıb.
"Hava limanında olarkən məndən adımı deməyi xahiş etdilər. Mən "Stalin" dedikdə hava limanında olan insanların hamısı mənə baxmağa başladılar", - deyə siyasətçi bildirib.
Bir qədər əvvəl Stalin adlı bir rusiyalı da adı ucbatından sıxışdırmalara məruz qaldığını bildirib. Həmin şəxs bildirib ki, adı ilə əlaqədar olaraq onu heç kim işə qəbul etmək istəmir.
2020-ci ilin dekabr ayında Namibiyada Adolf Hitler adlı siyasətçi seçkilərdə qalib gəlib. Onun sözlərinə görə, ona üçüncü Reyxin liderinin şərəfinə ad verən atası, çox güman ki, Hitlerin dünyada nəyin təcəssümü olduğundan bixəbər olub.
