Keçən ilin dekabr ayında Latviyanın Dövlət Təhlükəsizlik Xidməti (DTX) bu ölkənin yeddi vətəndaşına – "Rossiya Seqodnya" BİA-ya daxil olan "Baltnews" və "Sputnik Latviya"-nın müəlliflərinə qarşı ittiham irəli sürüb. Onlar Avropa İttifaqının sanksiya rejimini pozmaqda ittiham olunurlar.
Həmin şəxslərdən biri də evində axtarış aparılmış "Baltnews.lv" portalının keçmiş redaktoru Andrey Yakovlevdir. Jurnalist 3 may Mətbuat Azadlığı Günü münasibətilə 10-dab çox həmkarının – professional fəaliyyətinə görə təqib olunan Latviyadakı rus jurnalistlərin adından BMT-nin Baş katibinə müraciət ünvanlayıb.
Qeyd edək ki, bütün jurnalistlərə qarşı cinayət işi açılıb və onları dörd ilə qədər azadlıqdan məhrumetmə cəzası gözləyir. Hazırda onların hamısı ölkəni tərk etməmək və məlumatların məxfi saxlanılması üzrə iltizama tabedirlər.
