BAKI, 24 aprel - Sputnik. Qazax rayonunda arı yerli sakinin ölümünə səbəb olub.
Sputnik Azərbaycan Report-a istinadla xəbər verir ki, hadisə rayonun Cəfərli kəndində, "Bayram bulağı" deyilən ərazidə baş verib.
Belə ki, arının sancmasından sonra halı pisləşən Qazax rayon sakini, 1965-ci il təvəllüdlü Tahir Qocayev xəstəxanaya aparılıb.
Həkimlərin müdaxiləsinə baxmayaraq, onun həyatını xilas etmək mümkün olmayıb.
Qeyd edək ki, T.Qocayev həmin ərazidə arıcılıqla məşğul olub.
Faktla bağlı araşdırma aparılır.
