BAKI, 21 aprel — Sputnik. Bu gün Azərbaycanda 14 680 nəfərə vaksin vurulub. Sputnik Azərbaycan-ın xəbərinə görə, bu barədə Nazirlər Kabineti yanında operativ qərargah məlumat yayıb.
Bildirilib ki, birinci mərhələ üzrə vaksinasiya olunanların sayı 9 459, ikinci mərhələdə isə bu rəqəm 5 221 nəfər təşkil edib.
Bu günə qədər Azərbaycanda ümumilikdə 1 366 890 ədəd vaksin vurulub.
Ölkə üzrə ümumilikdə birinci mərhələdə peyvənd olunanların sayı 908 672 nəfər təşkil edib. İkinci mərhələdə isə bu rəqəm 458 218 olub.
