BAKI, 5 aprel - Sputnik. Maştağa qəsəbəsində qadın bıçaqlanıb.
Sputnik Azərbaycan APA-ya istinadən xəbər verir ki, hadisə Sabunçu rayonunda baş verib.
1986-cı il təvəllüdlü Cavadova Failə Faiq qızı qaynatası ilə mübahisə edib. Mübahisə zamanı o bıçaqlanıb. Yaralı xəstəxanaya yerləşdirilib.
Faktla bağlı Sabunçu Rayon Polis İdarəsinin 14-cü Polis Bölməsi tərəfindən araşdırma aparılır.
