Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Qeydiyyatsız evlərin sənədləşməsində Rusiya modeli - üstünlük nədədir?

© Sputnik / Ilham AhmadovQəbələdə ilanlar evi basıb
Qəbələdə ilanlar evi basıb - Sputnik Azərbaycan, 1920, 12.03.2021
Xəbərlərə abunə olun
Deputat: "Bu sahədə Rusiya modelindən istifadə olunması məqsədəuyğun olardı. Bu, eyni zamanda, fiskal ödənişlərin artırılması baxımından da vacibdir"

BAKI, 12 mart — Sputnik. "Bir neçə il öncə inventarlaşdırılmasına başlanılan qeydiyyatsız evlərin rəsmiləşdirilməsi ilə bağlı prosedurların hazırlanması prosesinin bu il intensivləşəcəyi gözlənilir".

Sputnik Azərbaycan xəbər verir ki, bunu Milli Məclisin deputatı Vüqar Bayramov deyib.

O bildirib ki, indiyədək Bakı şəhərində 163 min daşınmaz əmlak üzrə, digər şəhər və rayonlarda isə təxminən 2 min yaşayış məntəqəsi üzrə 84 min daşınmaz əmlak obyektindən 74,6 mini üzrə işlər yekunlaşıb: "Sənədsiz evlərin sənədləşdirilməsi ilə bağlı konsepsiyanın hazırlanması, qeydiyyat prosesinə başlanılması iqtisadi baxımdan da vacibdir. 

Binəqədidə neftlə çirklənmiş ərazilər - Sputnik Azərbaycan, 1920, 10.03.2021
CƏMİYYƏT
Sənədsiz evləri olanların diqqətinə: İnventarlaşdırma necə baş verəcək?
İlkin qiymətləndirmələrə görə, Azərbaycanda 500 minədək sənədsiz tikili var. Onlardan 400 mini paytaxt və Bakıətrafı ərazilərdədir. Bizim qiymətləndirmələr göstərir ki, sənədsiz tikililərin təxminən 60 mini təhlükəli və ya qanunla inşaata icazə verilməyən ərazilərdə yerləşir. Bunlar əsasən neft buruqları, yüksəkgərginlikli elektrik xətlərinin altında, mavi qaza yaxın olan ərazilərdə inşa edilən evlərdir. Eyni zamanda, evlərin bir qismi kənd təsərrüfatına yararlı torpaq sahələrində inşa edilib. Həmin torpaqlarda evlərin inşa edilməsi qanunla qadağan hesab olunur".

"Kənd təsərrüfatına yararlı torpaq sahələrindəki tikintilərə gəldikdə isə, bir ərazidə kütləvi şəkildə evlər inşa edilibsə, o zaman həmin torpaqların təyinatı dəyişilməsi məqsədəuyğun olardı. Əgər həmin ərazi kütləvi deyilsə, o zaman onlara ayrıca baxılıb qərar verilə bilər. Eyni zamanda, evlər yüksəkgərginlikli elektrik xətlərinin altında yerləşirsə və elektrik xəttini yeraltı etmək mümkündürsə, o zaman bu da sənədləşmə ilə bağlı heç bir problem yaratmaya bilər", - deyə deputat qeyd edib.

Millət vəkilinin sözlərinə görə, gözlənilir ki, növbəti mərhələdə qeydiyyatsız evlərin sənədləşməsinə başlanılacaq: "Bu sahədə Rusiya modelindən istifadə olunması məqsədəuyğun olardı. Yəni, nisbətən aşağı ödənişli dövlət rüsumu ilə qeydiyyatsız evlərin qeydiyyatı həyata keçirilə və həmin şəxslərin mülkiyyət hüquqları tanına bilər. Bu, eyni zamanda, fiskal ödənişlərin artırılması baxımından da vacibdir".

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала