Ermənistan Prezidenti Paşinyanla görüşdü

© © Photo / official site of the President of RAПрезидент Армен Саркисян встретился с премьер-министром Николом Пашиняном
Президент Армен Саркисян встретился с премьер-министром Николом Пашиняном  - Sputnik Azərbaycan, 1920, 01.03.2021
Abunə olmaq
Armen Sarkisyan və Nikol Paşinyan görüş zamanı Ermənistandakı cari ölkədaxili vəziyyətə toxunublar.

BAKI, 1 mart — Sputnik. Ermənistan Prezidenti Armen Sarkisyan bu ölkənin Baş naziri Nikol Paşinyanla görüşüb. Sputnik Ermənistan xəbər verir ki, Paşinyan Sarkisyanın səhhətində problemləri ilə bağlı Ermənistan Prezidentinin evinə gedib.

Sarkisyan və Paşinyan görüş zamanı Ermənistanda ölkədaxili vəziyyətə toxunublar.

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib.

Xəbər lenti
0