BAKI, 24 fevral — Sputnik. Qaradağ rayonu ərazisində baş verən avtomobil qəzası nəticəsində 1 nəfər (kişi) hadisə yerində dünyasını dəyişib.
Bakı şəhər Təcili və Təxirəsalınmaz Tibbi Yardım Stansiyasından Sputnik Azərbaycan-a verilən məlumata görə, 4 nəfər müxtəlif dərəcəli xəsarətlər alaraq Respublika Kliniki Xəstəxanasına yerləşdirilib. 1 nəfərə isə yerində yardım göstərilib.
Qeyd edək ki, Bakıda zəncirvari yol qəzası olub. Hadisə paytaxtın Qaradağ rayonu ərazisində, Bakı Dairəvi Yolunun Lökbatandan keçən hissəsində qeydə alınıb.
Fevralın 23-ü saat 16-dan etibarən Azərbaycanda hava soyuyub. Güclü şimal küləyi əsib, qar yağmağa bağlayıb. Bu gün səhər paytaxtda havanın temperaturu mənfi 5 dərəcə C-yə düşüb. Bir çox yollar buz bağlayıb. Bakı ərazisində səhər saatlarında nəqliyyatın hərəkətində problemələr olub. Avtomagistrallarda qəzalar baş verib.
