Şahpəri Abbasova, Sputnik Azərbaycan
BAKI, 22 fevral - Sputnik. Azərbaycan incəsənətinə ağır itki üz verib. Xalq artisti Yalçın Rzazadə dünyasını dəyişib.
Sənətçinin oğlu Orxan Rzazadənin Sputnik Azərbaycan-a verdiyi məlumata görə, müğənni uzun sürən xəstəlikdən sonra bu gün axşam saatlarında vəfat edib.
Yalçın Rzazadə 31 dekabr 1946-cı ildə Lənkəran rayonunda ziyalı ailəsində doğulub. 1963-cü ildə Azərbaycan Dövlət Mədəniyyət və İncəsənət İnstitutuna daxil olub və 1967-ci ildə həmin institutun aktyorluq fakültəsini, 1973-cü ildə isə Üzeyir Hacibəyov adına Azərbaycan Dövlət Konservatoriyasını bitirib. 1979-cu ildə əməkdar artist, 2000-ci ildə xalq artisti adına layiq görülüb. Bununla yanaşı, karate ilə məşğul olub. Azərbaycan Mədəniyyət və İncəsənət Universitetinin vokal və pop musiqi kafedrasının müdiri olub.
Allah rəhmət eləsin!
