BAKI, 15 fevral — Sputnik. Xalq artisti Röya Ayxan Flora Kərimovanın onunla bağlı dediklərinə cavab verib.
Sputnik Azərbaycan xəbər verir ki, müğənni Kərimovanın videosunu "Instagram" hesabının hekayə bölümündə yayımlayaraq bunları qeyd edib:
"Çox sevindim, əvvəlki kimi məni sevməyə başladınız. Rica edirəm ki, başqalarına əsəbləşib məni sıxmayasınız. Ürəyimdə hamının bir yeri var. Sizə uzun ömür arzu edirəm".
Qeyd edək ki, F.Kərimova "Atv maqazin onlarla" verilişinin "33 sual" rubrikasının aparıcısı Ruslan Ağayevə "Mən heç nəyi unutmuram. Qisas alanam" deyən müğənni Röya Ayxana qarşı artıq incikliyi qalmadığını bildirib: "Ancaq elə insanlar var ki, onlara qıymıram. Çox illər əvvəl o mənim qızıma dedi ki, anana yiyə dur. Röyaya o sözü bağışlamadım. Bir dəfə ondan qisasımı aldım. Röyanın ürəyi var. Bilirsiniz, o mənə kimi xatırladır? Yeni doğulan körpə uşaqlar olur, onu bələmək, sığallamaq istəyirsən. Onları xatırladır".
