Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

"Qızıl kitab"a da daxil olan azərbaycanlı skripkaçı beynəlxalq yarışmada iştirak edir

© Instagram / elvin_hoxhaЗаслуженный артист Азербайджана Эльвин Ходжа Ганиев, фото из архива
Заслуженный артист Азербайджана Эльвин Ходжа Ганиев, фото из архива - Sputnik Azərbaycan, 1920, 02.02.2021
Abunə olmaq
Müsabiqənin münsiflər heyətinin sədri dünya şöhrətli skripkaçı Gidon Kremerdir. Hazırda Elvin Qəniyev Almaniyanın Hannover Musiqi, Dram və Media Universitetində tanınmış professor Kşiştof Benqjinin elmi rəhbərliyi ilə magistratura təhsili alır.

BAKI, 2 fevral — Sputnik. Azərbaycanın Əməkdar artisti, Prezident təqaüdçüsü Elvin Xoca Qəniyev 16 yanvar - 25 fevral tarixlərində keçirilən və dünya üzrə tanınmış 49 skripkaçının qatıldığı "Yaşa Xeyfets" adına beynəlxalq yarışmada iştirak edir.

Sputnik Azərbaycan xəbər verir ki, koronavirus (COVID-19) pandemiyası ilə əlaqədar "Yaşa Xeyfets" adına beynəlxalq skripkaçılar yarışmasının iki turu onlayn keçirilir.

Azərbaycanla Türkiyənin birgə mədəniyyət siyasətinə xidmət edən Elvin Qəniyev ən çox səslə (9349) ilk turdan keçib və 17 nəfərin arasında yer alıb. "Yaşa Xeyfets" adına Beynəlxalq skripkaçılar yarışmasının ikinci turu fevralın 2-də Azərbaycan vaxtı ilə saat 20:30-da onlayn təşkil ediləcək, yarışmanın finalı isə fevralın 24-25-də Vilnüsdə Litva Milli Filarmoniyasında canlı keçiriləcək.

Müsabiqənin münsiflər heyətinin sədri dünya şöhrətli skripkaçı Qidon Kremerdir.

Qeyd edək ki, Elvin Qəniyevin adı Azərbaycanın gənc istedadlarının "Qızıl kitabı"na da daxil edilib. Hazırda Elvin Qəniyev Almaniyanın Hannover Musiqi, Dram və Media Universitetində tanınmış professor Kşiştof Benqjinin elmi rəhbərliyi ilə magistratura təhsili alır. Onun arzusu əslən şuşalı olan babası, tanınmış musiqişünas, mərhum Sərvər Qəniyevin vətənində konsert proqramı ilə çıxış etməkdir.

Xəbər lenti
0