Leyla Abdullayeva, Sputnik Azərbaycan
BAKI, 19 yanvar — Sputnik. Azərbaycanın şimal rayonlarına qar yağıb.
Sputnik Azərbaycan-ın məlumatına görə, Quba, Qusar və Xızı ağ örpəyə bürünüb. Qubanın Xınalıq kəndində qarın hündürlüyü 15 sm-ə çatıb, 7 dərəcə şaxta var.
Milli Hidrometeorologiya Xidməti bildirib ki, bu gün ölkə ərazisində yağıntının intensivləşəcəyi, havanın temperaturunun daha 4-5 dərəcə aşağı enəcəyi, dağlıq və dağətəyi rayonlarda qar yağacağı, aran bölgəsində isə yağışın sulu qara keçəcəyi gözlənilir. Dağlıq və dağətəyi rayonlarda havanın şaxtalı keçməsi yolların buz bağlamasına səbəb olacaq.
