BAKI, 18 yanvar — Sputnik. "Samsung Electronics"-in vitse-prezidenti və "Samsung Group"-un əsas varisi Li Çje Yen rüşvət verdiyinə görə 2 il 6 ay müddətinə azadlıqdan məhrum edilib.
Sputnik Azərbaycan xarici mətbuata istinadla xəbər verir ki, Seul Yüksək Məhkəməsi "Samsung"-un varisini məhkəmə salonunda həbs edib.
"Samsung"-un keçmiş sədri Lee Qong He 25 oktyabr 2020-ci ildə Seuldakı "Samsung" hospitalında vəfat edib. Mirasın ötürülməsi bir neçə il çəkə bilər. 2014-cü ildə Lee Qong He infarkt keçirib, bundan sonra şirkətin nəzarəti oğlu və qrupun törəmə şirkəti "Samsung Electronics"-in vitse-prezidenti 52 yaşlı Lee Jae Younqa keçib.
Cənubi Koreya prokurorları Lee Jae Younqu 2014-cü ildə konqlomerata nəzarəti ələ keçirmək üçün qeyri-qanuni səhm fırıldaqlarında və korporativ birləşmələrdə ittiham edir.
Bu müddətdə o, bir sıra "Samsung" törəmə şirkətlərinin birləşməsi üçün dövlət dəstəyi müqabilində keçmiş prezident Park Qeun-Hyenin yaxın dostuna 8,9 milyard von (təqribən 8 milyon dollar) rüşvət verib.
