BAKI, 14 yanvar - Sputnik. Türkiyə Prezidenti Rəcəb Tayyib Ərdoğan Ankara şəhər xəstəxanasında koronavirus infeksiyası əleyhinə peyvənd vurdurub.
Sputnik Azərbaycan bildirir ki, bu barədə NTV telekanalı məlumat yayıb. Prezident özü isə bir qədər sonra Telegram kanalında və Twitter-də bunu təsdiqləyib.
Başarıyla devam eden aşı programımız dahilinde şu ana kadar 254 bin sağlık çalışanımız ilk doz aşılarını oldu. Ben de onlara katılarak aşılandım.
— Recep Tayyip Erdoğan (@RTErdogan) January 14, 2021
İnşallah çok kısa süre içinde tüm vatandaşlarımızı aşılamayı hedefliyoruz. Hayırlı uğurlu olsun. pic.twitter.com/6xvPr8NX9q
Ərdoğandan öncə ölkənin Səhiyyə naziri Fahrettin Koca canlı yayımda Çinin SivoVac şirkətinin CoronaVac peyvəndini vurdurub. Bununla ölkədə vaksinasiya prosesi başlayıb. Türkiyə Səhiyyə Nazirliyindən bildirilib ki, ölkədə ilk vaksinasiya günündə 254 min tibb işçisi Çin vaksini vurdurub.
Qeyd olunur ki, R.T.Ərdoğana 28 gündən sonra peyvənd təkrarən vurulacaq. Ölkə başçısı deyib ki, əlavə olaraq təxminən 25-30 milyon peyvənd dozası yaxın günlərdə Türkiyəyə gətiriləcək.
