BAKI, 12 yanvar — Sputnik. "Ötən il 100-dən çox karxananın fəaliyyətini qiymətləndirmişik".
Sputnik Azərbaycan xəbər verir ki, bunu Dövlət Mineral Xammal Ehtiyatlarından İstifadə Agentliyinin İdarə Heyətinin sədri Samir Qurbanov deyib.
O bildirib ki, bununla bağlı həm hüquq mühafizə orqanlarına, həm də məhkəmə orqanlarına müraciət edilib.
S.Qurbanov vurğulayıb ki, İmişlidə bütün karxanaların fəaliyyətində pozuntular aşkarlanıb və bununla bağlı lazımi hüquqi addımlar atılıb: "Həm dronlarla, həm də yerli müşahidələr zamanı kənara çıxmalar qeydə alınıb".
O, həmçinin əlavə edib ki, mədən torpaqlarının idarəçiliyi ilə bağlı qanunverici aktlara dəyişikliklər ediləcək.
"Artıq qanunverici layihəni hazırlamışıq. Qısa zamanda hökumətə təqdim olunacaq. Burada bir sıra yeniliklər, asanlaşmalar özünü göstərəcək" - deyə o bildirib.
