BAKI, 11 yanvar — Sputnik. Adnan Oktar cinayətkar qrupu ilə bağlı məhkəmədə 78 məhkum və 236 müttəhimə qarşı verilən qərar məlum oldu.
Sputnik Azərbaycan Türkiyə mətbuatına istinadla xəbər verir ki, Adnan Oktara 1075 il 3 ay azadlıqdan məhrum etmə cəzası verildi.
Qeyd edək ki, Adnan Oktar məhkəmədə cinayət işlətmək məqsədi ilə qrup yaratma və idarə etmə, birdən çox insanla birlikdə, silah gücü ilə və təhdidlə basqın, birdən çox şəxslə təhdidetmə yolu ilə uşaqların istismarı, cinayət qruplarının yaratdığı qorxuducu gücdən yararlanaraq, silahla təhdidə məcbur etmə, qrupun məqsədləri və fəaliyyətlərinə görə, şəxsi məlumatların yazılması, özünü müdafiə edəcək gücü olmayan birinə qarşı silahlı zorakılıq edərək, azadlığını əlindən alma, əziyyət, siyasi və hərbi casusluğa təşəbbüs, rəsmi məlumatları pozma, yox etmə və ya gizlətmə və s. maddələrlə ittiham edilib.
Xatırladaq ki, Adnan Oktara bir çox cinayətdən 365 ilə qədər azadlıqdan məhrum etmə cəzası istənilirdi.
