2021-ci ilin ilk günləri müxtəlif hadisələrlə yadda qaldı. Vaşinqtonda son prezident seçkilərinin nəticələri ilə əlaqədar iğtişaşlar baş verdi. Hazırki Prezident Donald Trampın tərəfdarları Co Baydenə qarşı etiraz aksiyası keçirərək Konqressin binasına iclas zamanı hücum etdilər.
Dünyada koronavirus pandemiyasına qarşı mübarizə davam edir. Bir çox ölkələrdə artıq kütləvi vaksinasiya həyata keçirilir, eləcə də karantin tədbirləri davam etdirilir.
Bütün dünyada pravoslav xristianlar Milad bayramını qeyd ediblər.
Dünyanın ötən həftəni necə keçirdiyini planetin müxtəlif guşələrindən toplanmış fotolara baxmaqla xatırlamağı təklif edirik. Aparıcı informasiya agentliklərinin müxbirlərinin yaddaqalan hadisələri, eləcə də emosional anları həkk elədikləri kadrlar - Sputnik Azərbaycan-ın həftəlik fotolentində.
