BAKI, 8 yanvar — Sputnik. "Bakı şəhərində atmosfer havasını çirkləndirən əsas mənbələrdən biri nəqliyyatdır". Sputnik Azərbaycan xəbər verir ki, bu barədə "Ekspert saatı"nda Milli Hidrometeorologiya Xidmətinin rəisi Umayra Tağıyeva deyib.
O bildirib ki, təbii olaraq, nəqliyyat daha sıx olan ərazilərdə atmosfer havası üzərində çirklənmə dərəcəsi digər rayonlarla müqayisədə bir qədər yüksəkdir: "Bu ərazilər hamımız üçün bəllidir. ETSN və ümumiyyətlə dövlət tərəfindən bu sahədə müəyyən tədbirlər görülür. Nəqliyyatda istifadə olunan yanacaqların keyfiyyətli olması, köhnə avtomobillərin istifadəsinin məhdudlaşdırılması kimi tədbirlərin görülməsi vəziyyətin yaxşılaşdırılmasına şərait yarada bilər".
