“ABŞ-ın problemləri sadəcə demokratiya ilə bağlı deyil, çox dərinlərdədir”. Bunu Sputnik Azərbaycan-a politoloq Mübariz Əhmədoğlu ABŞ-da etirazçı Donald Trampın tərəfdarlarının Kapitoliyaya daxil olub törətdikləri iğtişaşları şərh edərkən deyib.
Politoloq bildirib ki, ABŞ-ın on illər boyunca yığılıb qalmış sosial-iqtisadi problemləri var: “ABŞ əhalisi populist şüarlarla çıxış edən Trampı hakimiyyətə gətirsə də, o da bu problemləri həll edə bilmədi. Koronavirus pandemiyası ABŞ-dakı problemləri daha da dərinləşdirdi. Ola bilsin ki, ABŞ əvvəlki kimi deokratiya mentoru kimi çıxış edə bilməsin. Çünki problemlər qısa zamanda həllini tapa bilməyəcək. Amma o da görünür ki, ABŞ rəhbərliyi yeni vəziyyətin mahiyyətini dərk edə bilməyib”.
Qeyd edək ki, ABŞ Prezidenti Donald Trampın tərəfdarları Kapitoliyaya daxil olublar. Etirazçılarla polis arasında toqquşma baş verib. Baş verən qarışıqlıqlar zamanı bir neçə nəfər həlak olub.
Mübariz Əhmədoğlunun geniş şərhinə audiofaylda qulaq asa bilərsiniz
