BAKI, 30 dekabr — Sputnik. Postmüharibə dövründə şəhid və qazi ailələrindən 1540 nəfər özünüməşğulluq proqramına cəlb edilib. Sputnik Azərbaycan-ın məlumatına görə, bunu Əmək və Əhalinin Sosial Müdafiəsi Nazirliyinin ictimaiyyətlə əlaqələr və kommunikasiya şöbəsinin müdiri Fazil Talıblı "Facebook" səhifəsində canlı yayımda sualları cavablandırarkən deyib.
Onun sözlərinə görə, həmin şəxslərdən 860-ı şəhid ailəsi üzvləridir. "Həmin ailələrlə görüş keçirərkən ailənin şəraiti, məşğulluq imkanları araşdırılır. Ailənin istəyi və bacarığına uyğun olaraq kiçik təsərrüfatların qurulması üçün dövlət dəstəyi verilir".
