Düyün çözülür – Türkiyə və ABŞ "S-400"lərlə bağlı danışıqlara başladı

© Sputnik / Sergey Pivovarov / Fotobanka keçməkS-400, arxiv şəkli
S-400, arxiv şəkli - Sputnik Azərbaycan
Xəbərlərə abunə olun
Yandex newsTelegram
Pompeonun fikrincə, sanksiyaların tətbiqi "ABŞ-ın CAATSA-nın 231-ci bəndini tamamilə tətbiq edəcəyinə və Rusiyanın müdafiə və kəşfiyyat sektoru ilə əhəmiyyətli əməliyyatlara dözməyəcəyinə dair açıq bir siqnal" verir

BAKI, 30 dekabr — Sputnik. "S-400" zenit-raket kompleksləri ilə bağlı Türkiyə Birləşmiş Ştatlarla ortaq qrup formalaşdırıb texniki görüşlərə başladı. Sputnik Azərbaycan xəbər verir ki, bunu Türkiyənin xarici işlər naziri Mövlud Çavuşoğlu 2020-ci ilin yekunlarına dair mətbuat konfransında bildirib.

"ABŞ-dan sanksiya qərarından sonra bizə ortaq işləyək deyə təklif gəldi. Biz o təkliflə razılaşdıq və görüşlər də başladı. Sanksiya qərarı yanlışdır, təktərəfli sanksiya müttəfiqliyə uyğun deyil. 2021-ci ildə ABŞ-ın yeni rəhbərliyi ilə münasibətləri irəlilətmək niyyətindəyik. Ümid edirəm, yeni rəhbərlik də bu anlayışda olar", - deyə Çavuşoğlu qeyd edib. 

Xatırladaq ki, dekabrın 14-ü rəsmi Vaşinqton Türkiyə Müdafiə Sənayesi Katibliyinə, onun rəhbəri İsmayıl Dəmir və digər üç səlahiyyətlisinə sanksiya tətbiq edib.

ABŞ-ın dövlət katibi Mayk Pompeonun izah etdiyi kimi, bu qərar Rusiyanın zenit raket sistemlərinin Ankara tərəfindən satın alınması ilə əlaqədardır. O, Türkiyəni ABŞ-la koordinasiya şəraitində "S-400" problemini "dərhal" həll etməyə çağırıb.

Министр иностранных дел РФ Сергей Лавров и министр иностранных дел Турции Мевлют Чавушоглу (справа на первом плане) во время встречи в Сочи - Sputnik Azərbaycan
Mövlud Çavuşoğlu Lavrova görüşdən sonra Ceyhun Bayramovla zəngləşib

"Türkiyə ABŞ üçün dəyərli bir ortaq və əhəmiyyətli bir regional təhlükəsizlik tərəfdaşıdır. Türkiyənin sərəncamındakı "S-400" maneəsini ən qısa müddətdə aradan qaldıraraq müdafiə sektorundakı onilliklər boyu mövcud olan məhsuldar əməkdaşlıq tariximizi davam etdirmək istəyirik", - Pompeonun yazılı açıqlamasında deyilir.

Pompeonun fikrincə, sanksiyaların tətbiqi "ABŞ-ın CAATSA-nın (Sanksiyalar aktı ilə Amerikanın düşmənlərinə qarşı mübarizə aktı - red.) 231-ci bəndini tamamilə tətbiq edəcəyinə və Rusiyanın müdafiə və kəşfiyyat sektoru ilə əhəmiyyətli əməliyyatlara dözməyəcəyinə dair açıq bir siqnal" verir.

"CAATSA-nın 231-ci bəndi və bugünkü fəaliyyət Türkiyə, yaxud ABŞ-ın hər hansı digər müttəfiqinin və ya ortağının hərbi qabiliyyətini və döyüş hazırlığını sarsıtmaq məqsədi daşımır. Əksinə, Rusiyanın genişmiqyaslı zərərli hərəkətlərinə cavab olaraq bir bədəl ödəməsini hədəfləyir", - Dövlət Departamentinin açıqlamasında deyilir.

Xəbər lenti
0