BAKI, 29 dekabr — Sputnik. "Pandemiya ilə əlaqədar birdəfəlik ödəmə 2020-ci ildə yaşayış minimumu (190 manat) həcmində verilirdi. Əgər gələn il də sərt karantin rejimi davam edərsə, verilən ödəmənin yenə də yaşayış minimumu həcmində olmasına hökumətdə baxılacaq".
Sputnik Azərbaycan xəbər verir ki, bunu əmək və əhalinin sosial müdafiəsi naziri Sahil Babayev parlamentin bu gün keçirilən iclasında deyib.
Qeyd edək ki, gələn il üçün yaşayış minimumu 196 manat məbləğində müəyyənləşib.
Pandemiya ilə əlaqədar 2020-ci ildə aylıq 190 manat məbləğində birdəfəlik ödəmə edilib.
