Люди на Площади фонтанов в Баку - Sputnik Azərbaycan
CƏMİYYƏT
Cəmiyyətin həyatında baş verən aktual hadisələr

Karantin qaydalarını pozaraq özünə yubiley məclisi keçirən direktor cəzalandırıldı

Xəbərlərə abunə olun
Yandex newsTelegram
Bakı şəhəri 187 nömrəli tam orta məktəbin direktoru Nailə Məmmədova ölkə üzrə tətbiq olunan xüsusi karantin rejiminin tələblərini pozması səbəbilə intizam məsuliyyətinə cəlb edilib.

BAKI, 22 dekabr - Sputnik. Sosial şəbəkələrdə 187 saylı tam orta məktəbin direktoru Nailə Məmmədovanın karantin qaydalarını pozaraq özünə ad günü məclisi təşkil etmsi barədə görüntülər yayılıb.

Məsələ ilə bağlı Bakı Şəhəri üzrə Təhsil İdarəsindən Sputnik Azərbaycan-a bildiriblər ki, Bakı şəhəri 187 nömrəli tam orta məktəbin direktoru Nailə Məmmədova ölkə üzrə tətbiq olunan xüsusi karantin rejiminin tələblərini pozması səbəbilə intizam məsuliyyətinə cəlb edilib.

Ona Təhsil nazirinin əmri ilə Azərbaycan Respublikası Əmək Məcəlləsinin müvafiq maddəsinə əsasən, sonuncu xəbərdarlıqla şiddətli töhmət verilib.

Qeyd edək ki, son günlər sosial şəbəkələrdə Nailə Məmmədovanın 60 illik yubiley tədbirindən çəkilmiş video yayılıb. Həmin videoda karantin qaydalarına zidd olaraq xeyli sayda adamın bir yerə toplaşdığı, bu zaman maska və sosial məsafə ilə bağlı tələblərin kobud şəkildə pozulduğu əksini tapıb. 

Xəbər lenti
0