Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Gələn ay 100-dən çox dövlət əmlakı hərraca çıxarılacaq

© Sputnik / Kirill Kallinikov / Mediabanka keçidHərrac,arxiv şəkli
Hərrac,arxiv şəkli - Sputnik Azərbaycan
Abunə olmaq
Hərrac günü hər kəs Elektron Xidmətlər Portalından ("e-emlak.gov.az") "Elektron hərrac" bölməsini seçərək özəlləşdirməyə qoşula bilər.

BAKI, 19 dekabr — Sputnik. İqtisadiyat Nazirliyi yanında Əmlak Məsələləri Dövlət Xidməti (ƏMDX) tərəfindən növbəti hərrac yanvarın 19-da təşkil ediləcək.

ƏMDX-dən Sputnik Azərbaycan-a bildirilib ki, hərraca 103 dövlət əmlakı çıxarılacaq. Bunlardan 25-i kiçik dövlət müəssisəsi və yarımçıq tikili, 78-i səhmdar cəmiyyətləridir. Özəlləşdirməyə çıxarılan dövlət əmlakının tam siyahısı ilə burada tanış ola bilərsiniz: (https://bit.ly/3nx6Nkr, https://bit.ly/3gX3JeI, https://bit.ly/3aop2Vw)

Əmlak Məsələləri Dövlət Xidməti tərəfindən təşkil edilən hərraclarda hər kəsin sərbəst iştirakı təmin edilir. İştirak etmək istəyən şəxslərin seçdikləri dövlət əmlakı üzrə elektron sifariş verməklə yanaşı, hərraclara onlayn qoşulmaq imkanı da yaradılıb. Prosesə marağı olanlar hərrac günü həm Əmlak Xidmətləri Məkanına gəlməklə, həm də elektron resurslardan istifadə etməklə hərracları qeydiyyatsız formada izləyə də bilərlər.

Keçirilən hərraclarda iştirak etmək istəyən şəxslər xidmətin rəsmi saytına ("emlak.gov.az") və ya Özəlləşdirmə portalına ("privatization.az") daxil ola, seçim etməklə qeydiyyatdan keçə, dövlət əmlakının ilkin hərrac qiymətinin 10 faizi məbləğində behi ödəyib sifarişçi statusu ala bilərlər. Hərrac günü hər kəs Elektron Xidmətlər Portalından ("e-emlak.gov.az") "Elektron hərrac" bölməsini seçərək özəlləşdirməyə qoşula bilər.

Xəbər lenti
0