BAKI, 8 dekabr — Sputnik. Birləşmiş Millətlər Təşkilatının (BMT) Baş Assambleyası COVID-19 pandemiyasından dərs çıxarmaq və gələcəkdə baş verə biləcək hər cür epidemiya hallarına qarşı hazırlıqlı olmaq barədə qərar qəbul edib. Sputnik Azərbaycan-ın Anadolu Agentliyi-nə istinadla yaydığı xəbərə görə, bu qərar əsasında 27 dekabr "Beynəlxalq epidemiyaya hazırlıq günü" elan edilib.
Qeyd edək ki, bütün dünyanı cənginə almış COVID-19 pandemiyasının başlamasından bir ilə yaxın vaxt keçir. İndiyə kimi dünyada 67 milyondan çox insan bu xəstəliyə yoluxub və 1 milyon 500 min nəfər isə dünyasını dəyişib.
