BAKI, 30 noyabr — Sputnik. Dnestryanı və Dağlıq Qarabağ münaqişələri arasında ümumi heç nə yoxdur. Sputnik Azərbaycan "RİA Novosti"yə istinadən xəbər verir ki, bunu Moldovanın yeni seçilmiş prezidenti Mayya Sandu bazar ertəsi keçirdiyi mətbuat konfransında bildirib.
"Dnestryanı və Dağlıq Qarabağ münaqişələri arasında ümumi heç nə yoxdur. Dnestryanı münaqişəышni yalnız sülh yolu ilə həll etmək olar. Biz nizamlanma prosesində həll yolunu tapmaq üçün "5+2" formatında işləməyə davam edəcəyik", - deyə Sandu bildirib.
Qeyd edək ki, Dnestryanı münaqişənin nizamlanması prosesində "5+2" formatında münaqişə tərəfləri kimi Kişinyov və Tiraspol, vasitəçi kimi Rusiya, Ukrayna və ATƏT, müşahidəçi kimi isə Avropa İttifaqı və ABŞ çıxış edir.
