Nigar İsgəndərova, Sputnik Azərbaycan
BAKI, 27 noyabr — Sputnik. "COVID-19 xəstələri nə deyirlərsə, düz deyirlər. Onlar evdə nəzarətsiz şəkildə Allahın ümidinə qalıblar. Onlara nəzarət və müalicəyə görə məsul olan Səhiyyə Nazirliyi və onun yerli poliklinikalarıdır".
Bu barədə Azərbaycan Tibb Uiversitetinin tibb üzrə dosenti Ədalət Rüstəm Sputnik Azərbaycan-a açıqlamasında deyib. Ə.Rüstəm nazirlik və yerli poliklinikaların işinə müasibət bildirib: "Səhiyyə Nazirliyi və poliklinikalar öz işlərini yarıtmırlar, öhdəsindən gəlmirlər".
"Belə olan halda xəstələr də məcbur qalıb tanıdıqları həkimlərə müraciət edirlər və "Whatsapp"la müalicə olunurlar. Evdə müalicə alan COVID-19 xəstələri yad insanlardır və yiyəsizlərdir. Ancaq ailə üzvləri hesabına kortəbii müalicə olunurlar", - deyə o əlavə edib.
