BAKI, 21 noyabr - Sputnik. Azərbaycan Respublikasının Prezidenti İlham Əliyev ATƏT-in Minsk qrupundan daha operativ reaksiya gözlədiyini bildirib.
Sputnik Azərbaycan-ın məlumatına görə, bu barədə Prezident noyabrın 21-də Rusiya Federasiyasının xarici işlər naziri Sergey Lavrovu qəbul edərkən deyib.
"Əlbəttə, biz haqlı olaraq onlardan daha operativ reaksiya gözləyirdik. Lakin görünür, onların öz mövqelərini hazırlamağa imkan verməyən müəyyən amillər olub. Amma necə deyərlər, heç vaxt olmamaqdansa, gec olmaq yaxşıdır".
Moskvada ATƏT-in Minsk qrupunun nümayəndələrinin görüşü barədə məlumatlı olduğunu vurğulayan Prezident qeyd edib ki, onların bu bəyanata müsbət yanaşması da təhlükəsizlik tədbirlərinin möhkəmlənməsi və uzunmüddətli sülhün bərqərar olması işində mühüm rol oynayacaq.
