BAKI, 12 noyabr — Sputnik. Türkiyədə aparılan araşdırma zamanı bəlli olub ki, hər 10 nəfərdən 4-ü gün ərzində eyni maskanı taxır. Onlayn araşdırma mərkəzi olan "Adgager" tərəfindən aparılan araşdırma nəticəsində belə bir nəticə ortaya çıxıb. Bəlli olub ki, hər 3 nəfərdən 1-i gün ərzində maskasını yuyaraq istifadə edir. Bundan başqa, bəlli olub ki, böyük əksəriyyət, təxminən sorğuda iştirak edənlərin 93 faizi cərrahi maskalara üstünlük verirlər.
Sorğuda iştirak edənlərin yarısı peyvəndə ümid bəslədiklərini, peyvənd hazır olduqdan sonra peyvəndlənmək üçün müraciət edəcəklərini deyirlər.
Qeyd edək ki, bu sorğuda Türkiyənin 12 bölgəsindən 2 min 553 nəfər iştirak edib.
