CƏMİYYƏT
Cəmiyyətin həyatında baş verən aktual hadisələr

"Yeni nəsil" oğrular qaz abonentlərini təhlükəyə atırlar

© Photo : AzeriGas Production Union"Azəriqaz" İB-nin binası, arxiv şəkli
Azəriqaz İB-nin binası, arxiv şəkli - Sputnik Azərbaycan
Abunə olmaq
"Vaxtında tədbirlər görülməsə, payız-qış mövsümündə təzyiq tənzimləmələri zamanı problemlər ortaya çıxa bilər"

BAKI, 2 noyabr — Sputnik. Bir neçə müddətdir ki, Sumqayıt şəhəri 42-ci məhəllə ərazisində yerləşən binalarda oğurluq halları baş verir. Fərdi olaraq və ya qrup halında şəxslər bina girişlərinə daxil olaraq boruların üzərində quraşdırılmış bağlayıcı kranın ştok hissəsini bərkidən bürünc qaykaları oğurlayır.

“Azəriqaz” İstehsalat Birlyindən Sputnik Azərbaycan-a verilən məlumata görə, qurumun əməkdaşları yarana biləcək hər hansısa bədbəxt hadisənin qarşısını almaq məqsədi ilə sözü gedən ünvana baxış keçiriblər. Dərhal qabaqlayıcı tədbirlərin icrasına başlanılıb. Belə ki, oğurlanan bürünc qaykalar dəmir qaykalar ilə əvəzlənərək yerinə bərkidilib: "Vaxtında tədbirlər görülməsə, payız-qış mövsümündə təzyiq tənzimləmələri zamanı bu cür hallarda problemlər ortaya çıxa bilər. Abonentlərin təhlükəsizliyi və onların məmnuniyyəti “Azəriqaz” İB-nin əsas prioritetlərindən olduğundan məsələ ilə bağlı hüquq-mühafizə orqanlarına da müraciət olunub. Lakin buna baxmayaraq, oğurluq halları hələ də davam etməkdədir və abonentlər üçün bu hal istənilən anda təhlükəli vəziyyət yarada bilər".

Xəbər lenti
0