BAKI, 26 oktyabr — Sputnik. Rusiya dünyadakı böhran vəziyyətlərini həll etmək üçün Türkiyə ilə qarşılıqlı əlaqəni davam etdirəcək. Sputnik Azərbaycan "RİA Novosti"yə istinadən xəbər verir ki, bunu Rusiyanın Xarici İşlər naziri Sergey Lavrov yunan həmkarı Nikos Dendiasla görüşün yekunlarına dair mətbuat konfransında bildirib.
"Bizim Türkiyə ilə yaxşı münasibətlərimiz var. Lakin bu münasibətlər problemsiz deyil. Bu və ya digər problemlərə yanaşmamız heç də həmişə üst-üstə düşmür. Ancaq ortaq məxrəcləri tapdığımızda... faydalı şəkildə səylərimizi birləşdiririk və böhran vəziyyətlərinin həlli üçün lazımi şəraitin yaradılmasına doğru hərəkət edirik. Biz Türkiyə ilə bu qarşılıqlı əlaqəni davam etdirəcəyik", - deyə Lavrov qeyd edib.
