Avropa Futbol Assosiasiyaları İttifaqının (UEFA) rəhbəri Aleksander Çeferin ümid etdiyini bildirib ki, Qarabağdakı hərbi münaqişə tezliklə sülh yolu ilə həll olunacaq.
"Düzünə qalsa, biz bu münaqişəni izləyirik. Bu, bir neçə həftə əvvəl başlayıb, ona görə bizim üçün bu yeni bir haldır. Biz detallara xüsusi olaraq varmamışıq. Biz idman təşkilatıyıq, siyasi təşkilat deyilik, ona görə də biz siyasi mübarizəyə qoşulmaq istəmirik. Bu çox kədərli vəziyyətdir və mən ümid edirəm ki, tezliklə hər şey sülh yolu ilə həll olunacaq", - Sportschau-nun məlumatına görə, Çeferin bildirib.
