“Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva aidiyyəti beynəlxalq qurumlara və dünya ictimaiyyətinə Ermənistan silahlı qüvvələrinin Azərbaycanın mülki əhalisinin məskunlaşdığı yaşayış məntəqələrini mütəmadi atəşə tutması nəticəsində törədilmiş dağıntılar və insan tələfatına dair Hesabat təqdim edib”. Sputnik Azərbaycan xəbər verir ki, bunu Ombudsman Aparatının rəhbəri Aydın Səfixanlı mətbuat konfransında bildirib.
Aydın Səfixanlı qeyd edib ki, Ermənistanın dinc yayayış məntəqələrini atəşə tutması, insanların fundamental hüquq və azadlıqlarına yönəlmiş terror fəaliyyəti yerindəcə araşdırılıb: “Faktaraşdırıcı missiyanın bununla bağlı aralıq hesabatı hazırlanaraq beynəlxalq təşkilatlara göndərilib. Mülki əhaliyə qarşı yönəlmiş bu vandalizm aktlarından əhalinin ən çox qayğıya olan hissəsi əziyyət çəkib. Bütün bunlar Ermənistanın özünün də iştirakçısı olduğu beynəlxalq hüquqa, humanitar hüquq normalarına etinasız və saymazyana münasibətinin bariz şəkildə ifadəsidir”.
Aydın Səfixanlının fikirlərinə audiofaylda qulaq asa bilərsiniz
