Türkiyə bir daha “Bir millət, iki dövlət” şüarının yalnız söz olmadığını sübut edib, belə ki, qardaş ölkənin İnsan Hüquq və Azadlıqları Humanitar Yardım Fondu Azərbaycan və Ermənistan arasında davam edən Dağlıq Qarabağ münaqişəsində Bakıya dəstək olmaq məqsədilə “İndi qardaşlıq zamanıdır!” şüarı altında avtomobil karvanı təşkil edib.
Avtomobil yürüşü İstanbulun Saraçhanə adlanan ərazisindən başlayaraq Ədirnəqapıda başa çatıb. Aksiya iştirakçıları əllərində Türkiyə və Azərbaycan bayraqları daşımaqla əsgərlərimizə dəstək nümayiş etdiriblər. Beləliklə, qardaş ölkə hər zaman yanımızda olduğunu bir daha sübut etmiş olub.
