BAKI, 5 oktyabr — Sputnik. İki amerikalı və bir britaniyalı alim hepatit C virusunu birgə aşkar etdiklərinə görə tibb üzrə Nobel mükafatına layiq görülüblər.
Bu barədə Sputnik Azərbaycan "The Guardian" nəşrinə istinadən xəbər verir.
ABŞ-ın Merilend Milli Səhiyyə İnstitutlarından Harvi C.Alter, Nyu-Yorkdakı Rokfeller Universitetindən Çarlz M.Rays və Kanadanın Alberta Universitetindən britaniyalı virusoloq Maykl Houton Nobel Assambleyası tərəfindən elan edilmiş 10 milyon İsveç kronu (təxminən 1,9 milyon manat) mükafatına layiq görülüblər.
Çərşənbə axşamı fizika üzrə mükafat, çərşənbə günü isə kimya mükafatı elan ediləcək.
