BAKI, 27 sentyabr — Sputnik. Dağlıq Qarabağda münaqişə tərəfləri atəşi dayandıraraq danışıqlar masası arxasına əyləşməlidirlər.
Sputnik Azərbaycan bildirir ki, bunu RİA Novosti-yə Rusiya Federasiya Şurasının beynəlxalq məsələlər üzrə komitə sədrinin birinci müavini Vladimir Cabbarov deyib.
“Hər şeyi danışıqlar masasına daşımaq lazımdır, atəş dayandırılmalıdır”, - deyən Cabbarov xatırladıb ki, vəziyyətin tənzimlənməsi üçün regionda ATƏT-in Minsk qrupu var.
Onun sözlərinə görə, heç bir münaqişə döyüş meydanında həll olunmamalıdır.
Ermənistan Silahlı Qüvvələri sentyabrın 27-də səhər saatlarına Azərbaycanın yaşayış məntəqələrini atəşə tutub. Mülki şəxslər arasında itki və yaralılar var. Azərbaycan ordusunun komandanlığı əks-hücum qərarı verib.
