BAKI, 17 sentyabr — Sputnik. Ukraynalı stəndapçı, ssenari yazarı və şou aparıcısı Yeqor Şataylonu döyüblər.
Sputnik Azərbaycan xəbər verir ki, hadisə onun ənənəvi Ukrayna ailəsi ilə bağlı zarafatından sonra baş verib. Bu barədə layihə müəllifləri "Facebook" səhifələrində yazıblar.
Naməlum şəxslər hücum edərək onu yerə yıxıb, üzünə gözyaşardıcı qaz püskürdüblər. Zərərçəkən yüngül xəsarət alıb.
Qeyd edilir ki, hücumdan əvvəl Şatayloya internetdən təhdid məktubları göndərilib.
