BAKI, 16 sentyabr — Sputnik. Venesuela hərbçiləri narkotik daşıyan ABŞ təyyarəsini vurublar. Bu barədə ölkənin Daxili İşlər naziri Nestor Reverol bildirib.
Sputnik Azərbaycan xəbər verir ki, Reverol vurulmuş laynerin fotoşəkillərini "Twitter" səhifəsində paylaşıb.
"Ölkənin hava məkanına qanunsuz olaraq girmiş Amerika qeydiyyat nömrəli narkotik daşıyan təyyarə Suliya ştatında zərərsizləşdirilib", — o, tvitində yazıb.
Inutilizada aeronave del narcotráfico con matrícula norteamericana, que ingresó ilegalmente al espacio aéreo venezolano por el estado Zulia.#LaVerdadDeVenezuela #15Sep pic.twitter.com/qncyzKqMrc
— Néstor Reverol (@NestorLReverol) September 15, 2020
Venesuela hərbçiləri narkomafiyanın istifadə etdiyi naməlum təyyarələri tez-tez vururlar. Sonuncu dəfə Amerika qeydiyyat nömrəli təyyarə bu ilin iyulunda "neytrallaşdırılıb".
2013-cü ildə Venesuela Prezidenti Nikolas Maduro ölkənin hava məkanında istənilən narkomafiya təyyarəsini vurmağa icazə verib. Qanun layihəsinin təşəbbüskarı Maduronun sələfi Uqo Çaves olub.
