BAKI, 15 sentyabr — Sputnik. Donald Trampın seçkiqabağı qərargahı noyabrda ABŞ-da keçiriləcək seçkiyə həsr olunmuş reklam kampaniyasında Rusiya təyyarələrinin və avtomatlarının təsvir olunduğu fotodan istifadə edib.
Sputnik Azərbaycan "Politico" qəzetinə istinadən xəbər verir ki, "Qoşunlarımızı Dəstəklə" çağırışı olan plakatda hərbçilərin siluetləri və fonda uçan üç döyüş təyyarəsi təsvir edilib.
A digital ad released by the Trump Make America Great Again Committee on Sept. 11 calling on people to “support our troops” uses a stock photo of Russian-made fighter jets and weaponshttps://t.co/DfwfTWNKQo
— POLITICO (@politico) September 15, 2020
Qəzet tərəfindən rəyi soruşulan ekspertlər belə bir qənaətə gəliblər ki, fotoda Rusiya istehsalı olan MiQ-29 döyüş təyyarələri, həmçinin hərbçilərdən birinin əlində AK-74 tipli avtomat təsvir edilib.
ABŞ-da prezident seçkisi noyabrın 3-də keçiriləcək. Hazırkı dövlət başçısı Donald Tramp ikinci müddətə namizədliyini irəli sürüb və demokratların namizədi Co Bayden ilə mübarizə aparacaq.
