Eldar Tanrıverdiyev, Sputnik Azərbaycan
BAKI, 15 sentyabr - Sputnik. “İran və Azərbaycan arasında yaxın münasibətlərin çoxlu düşməni var”.
Sputnik Azərbaycan xəbər verir ki, bunu İranın Azərbaycana yeni təyin olunmuş səfiri Seyid Abbas Musəvi bildirib.
"İki ölkə arasında münasibət bir gecədə yaranmayıb ki, şayiələrə görə də zədələnsin. Biz Ermənistanla da adi qonşuluq münasibətlərinə malikik. İran heç bir vəchlə icazə verməz ki, qonşu, dost, müsəlman Azərbaycan Respublikasının əleyhinə hansısa hərəkət yürüdülsün", - deyə İran səfiri qeyd edib.
Seyid Abbas Musəvi eyni zamanda İranda olarkən guya ölkəsi üzərindən Ermənistana silah daşınması məsələsini araşdırdığını da qeyd edib: "Mən İranda olarkən bunu araşdırdım. Mən ölkəmizin yüksəkrütbəli məmurları ilə danışdım. İran ərazisindən Ermənistana hər hansı silah və texnikanın daşınmasını qətiyyətlə təkzib edirik".
