BAKI, 9 sentyabr — Sputnik. Britaniyalı dramaturq və ssenari müəllifi, daha çox "Pianoçu" filmi ilə tanınan Ronald Harvud 85 yaşında vəfat edib. Sputnik Azərbaycan Rusiya mətbuatına istinadən xəbər verir ki, bu barədə mərhumun ailəsi məlumat verib.
Bildirilib ki, yazıçı çərşənbə axşamı Sasseks şəhərindəki evində dünyasını dəyişib.
Qeyd edək ki, "Ailə", "Başqa vaxt", "Kvartet", "İngilis faciəsi", "Tramvay yolu" və başqa romanların müəllifi olan Harvud 2003-cü ildə məşhur "Pianoçu" filminə görə "Ən Yaxşı Uyğunlaşdırılmış Ssenari" nominasiyası üzrə "Oskar"a layiq görülüb.
O, 2008-ci ildə "Skafandr və kəpənək" filminin ssenarisinə görə isə "BAFTA" mükafatını qazanıb.
2010-cu ildə Ronald Harvuda ssenari müəllifi kimi "Cəngavər" titulu verilib.
