BAKI, 26 avqust — Sputnik. Dünya şöhrətli ispan aktyoru Antonio Banderas koronavirusdan sağaldığını açıqlayıb.
Sputnik Azərbaycan bildirir ki, aktyor bu barədə öz "Twitter" səhifəsində yazıb.
"21 gün karantinə intizamlı riayət etdikdən sonra indi deyə bilərəm ki, bu gün COVID-19 infeksiyasını dəf etdim. Mən sağalıram. Mübarizənin ortasında olanlara da güc diləyirəm", - deyə Banderas yazıb.
Después de 21 días de disciplinado confinamiento, puedo decir que he superado la infección por Covid 19. Estoy curado. Va mi pensamiento para aquellos que no lo consiguieron y para los que lo han pasado peor que yo. Ánimo para todos los que están en mitad de la lucha. #Covid pic.twitter.com/IvCtOhjCSF
— Antonio Banderas (@antoniobanderas) August 25, 2020
Xatırladaq ki, Antonio Banderas avqustun 10-da koronavirusa yoluxduğunu açıqlamışdı.
Məlumat üçün bildirək ki, Antonio Banderasın böyük ekranda debütü 1982-ci ildə Pedro Almodovarın "Ehtirasların labirinti" filmi olub. Aktyor yüzdən çox filmdə rol alıb.
Bundan əlavə, aktyor Banderas Pedro Almodovarın "Ağrı və şöhrət" filmindəki roluna görə "Kann" kinofestivalında "Ən yaxşı kişi obrazı" mükafatına layiq görülüb. Banderas "Qızıl Qlobus" və "Qoya" mükafatları da daxil olmaqla kinematoqrafiya sahəsində bir çox təltiflərə layiq görülüb.
