BAKI, 18 avqust — Sputnik. Əfqanıstanın güc strukturları regionda İŞİD terror qruplaşmasının "ali hakimi"ni məhv edib.
Sputnik Azərbaycan "TOLO News" telekanalına istinadən xəbər verir ki, Abdulla Orakzay adlı terrorçu İŞİD-in Xorasandakı bölməsinin başçısı olub.
Məhv edilmiş terrorçu "dinc sakinlərin başının kəsilməsi və yaraqlılarla zorakı nikahları" nəzərdə tutan "fərmanların" verilməsində iştirak edib.
Key Daesh Member Abdullah Orakzai Killed in Afghan Forces Operationhttps://t.co/EkU1trxHVa pic.twitter.com/z9NN9PM5wq
— TOLOnews (@TOLOnews) August 18, 2020
Abdulla Orakzay avqustun 2-də Nanqarhar vilayətində həbsxanaya hücumun icraçısı olub.
Avqustun əvvəlində Nanqarhardakı həbsxanaya hücum nəticəsində 29 nəfər həlak olub, 50 nəfər yaralanıb. Hücuma görə məsuliyyəti İŞİD yaraqlıları üzərlərinə götürüblər.
