2020-ci ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 21687,1 min ton təşkil edib. AR Dövlət Statistika Komitəsinin məlumatına görə, ölkədə yük dövriyyəsi 4877,8 milyon ton-km olub.
Ötən ilin eyni dövrü ilə müqayisədə müvafiq olaraq 13,7 faiz və 8,0 faiz azalma müşahidə olunub.
Yüklərin 12590,7 min tonu və ya 58,1 faizi avtomobil nəqliyyatı, 6515,1 min tonu və ya 30,0 faizi dəmir yolu nəqliyyatı, 2581,3 min tonu və ya 11,9 faizi dəniz nəqliyyatı ilə daşınıb.
Dəhliz vasitəsilə daşınmış yüklərin 20,0 faizini və ya 4332,0 min tonunu tranzit yüklər təşkil edib.
Bu ilin altı ayı ərzində Avropa-Qafqaz-Asiya nəqliyyat dəhlizində yük daşımaları haqqında daha ətraflı məlumatla Sputnik Azərbaycan-ın infoqrafikasından tanış ola bilərsiz.
