BAKI, 2 avqust — Sputnik. Terrorçu “İslam dövləti” təşkilatının “Xorasan” qolunun kəşfiyyatının rəhbərini Əfqanıstanda öldürüblər.
Sputnik Azərbaycan bildirir ki, bu barədə TOLO News telekanalı Əfqanıstanın Milli Təhlükəsizlik İdarəsinə istinadən məlumat yayıb.
#Afghan NDS Kills Daesh Intelligence Head in Easthttps://t.co/Am9vbOUyUD pic.twitter.com/ntzKKCP7JQ
— TOLOnews (@TOLOnews) August 2, 2020
Əsədulla Orakzaini Pakistanla sərhəddəki Nanqarhar vilayətində avqustun 1-i axşam məhv ediblər. İŞİD öz üzvünün öldürüldüyünü təsdiqləyib.
Orakzai Əfqanıstanda təşkil olunan hücumlara və təşkilatın daxilindəki rəqibləri məhv etməyə görə məsuliyyət daşıyırdı. Buna görə onu “İŞİD-in qəssabı” adlandırırdılar.
“Əfqanıstanın bölgədəki və beynəlxalq partnyorları unutmamalıdırlar ki, bu ölkə terrorizmlə mübarizədə əsas rolu oynayır. Biz terrorçuları və onların şəbəkələrini məhv etməyə davam edəcəyik” , - Milli Təhlükəsizlik İdarəsindən bildirilib.
